أبتسامات مشرقة أجمل النكت

موضوع: أبتسامات مشرقة أجمل النكت 2010-03-25, 5:19 pm

حمصي وقفتو دورية المرور.. قلو الضابط ليش مالك حاطط الحزام. قلو: أنا أصلاً مو
لابس بنطرون.

حمصي سافر على أمريكا وهو راجع عالشام شاف بالمطار مراية يللي بيوقف قدامها

بتقلو كل شي عن حالو..

وقف قدام المراية قالتلو: انت بهاء من حمص وطيارتك بعد نص ساعة...

راح لبس خليجي ورجع... قالتلو: انت بهاء من حمص وطيارتك بعد ربع ساعة...

رد راح غير لبسو وصبغ شعرو ورجع. قالتلو: انت بهاء من حمص خليك عمتستهبل راحت

عليك الطيارة.

حمصي انخطفت حماتو راح عند مرتو قلها: أمك انخطفت وبدهون فدية 100 ألف ليرة يا

أما بيحرقوها بالبنزين وصرلي من الصبح داي ر بالحارة من بيت لبيت عم اجمع

تبرعات..

قالتلو: وقديش جمعت؟؟؟

قلها: صار معي شي 50ليتر بنزين.

حمصي حبسوه لأنو قتل 25 واحد. بالمحكمة سألو القاضي: كيف بتقتل 25 زلمة؟؟؟ جاوب

الحمصي: كنت ماشي بالسيارة يا غافل إلك الله فجأة عطل الفرام وقدامي منحدر,

وعلى يميني ماشي زلمة لحالو وعلى يساري شي 24 ولازم روح يا يمين يا يسار انت لو

محلي شو بتساوي؟؟

قال القاضي بروح يمين ادعس واحد أحسن ما ادعس 24.

قلو الحمصي: وانا كمان هيك قلت رحت يمين قام الحيوان راح عالطرف التاني قمت

لحقتو ودعستون كلون.

حمصي ما عميقدر ينام قالتلو أمو روح عد للمية.

وصل للخمسين كبس عليه النوم.. راح غسل وشو ورجع كمل

واحد ربح مليون ليرة راح لعند مرتو عميخبرها قام إجتها أزمة قلبية وماتت.. قال:

الحمدلله يا ربي شلون بتبعت الخير دفعة وحدة..

حمصي قال لأبوه حابب كمل دراستي بره... قلو: خلي امك تفرشلك بالديار بس تغطى

منيح لأنو برد..

تلميذ شقوة طلبت المدرسة ولي أمرو ..قلو أبوه: شو عامل؟؟ قال: ما عملت شي بس

لحشت وردة من الشباك.

راح الأب عالمدرسة تاني يوم لقى عند المدير وحدة كلها مجبصنة قلها خير يا

حبيبتي شو اسمك انتي؟؟ قالتلو: انا وردة....

حمصي قالولو بالصين كل ساعة بينولد واحد... قال: يا لطيف الولد عنا بدو 9 شهور

ليجي

حمصي قال لرفيقو: عيني حمرا شو ساوي؟؟؟

قلو: بس تصير خضرا إمشي...

حمصي راكد انطرق بأبوه قلو: وعمى يعميك.. شو مالك شايفني؟؟

قلو: والله شايفك بس ما عمأعرف وين

اتنين حماصنة طلعو ببرنامج تلفزيوني. المذيعة سألت الأولاني احكيلنا عن حمص..

قال: هي حمص امي... سألت التاني: وانت كمان حكيلنا شوي عن حمص... قال: مو عيب

احكي عن ام رفيقي..

حمصي ركب بالتكسي حط مرتو قدام منشان الشوفير ما يطلع عليها بالمراية...

ديك عميجاكر جاجة قلها: يعني شلون انتي بتبيضي وما بتاكلي بيض...

قالتلو: مو أحسن منك بتأدن وما بتصلي...

حمصي سألوه: شلون صيام رمضان بالصيف معك؟؟؟ قلون: والله الحمدلله لولا هالوضوء

كان الواحد مات من العطش

حماصنة عميلحشو حالون من الباص وهو ماشي ليش؟؟؟؟ الشوفير حط غنية التايتانيك

فكرو الباص حيغرق

حماصنة بسنة 2000 لعبو طميمة لهلأ ما بينو....

حمصي بالجيش اسمه ثابت

كل ما يصرخ الضابط ثابت يقول : نعم سيدي !!!

الضابط يقول للحمصي: يابابا ما انتي ,أنا قصدي اثبتوا .

علم الضابط ان الوزير بيزورهم وقال : أكيد ثابت بيفضحني ادام الوزير ، فأحسن لي

أطلعه اجازه .

يوم وصل الوزير صرخ الضابط : ثابت

صرخوا الحماصنة كلهم : مانو هون طلع اجازه

تقبلوا تحياتي

eyad mansoor
lord of love

تلميذ شقوة طلبت المدرسة ولي أمرو ..قلو أبوه: شو عامل؟؟ قال: ما عملت شي بس

لحشت وردة من الشباك.

راح الأب عالمدرسة تاني يوم لقى عند المدير وحدة كلها مجبصنة قلها خير يا

حبيبتي شو اسمك انتي؟؟ قالتلو: انا وردة....

ههههههههههههه
مشكور على النكت

مرسي كتير الك ايادو شي حلو كتير
your frend mizo

مشكورة بطلة على مرورك
وشكرا معاذ نورت

you are welcome