ماهو المنتدى ؟؟؟؟؟؟؟؟؟؟؟؟؟؟؟؟

ماهوالمنتدى ؟!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيف نجعل منتدانا هو الأفضل ؟؟

الحل بسيط

اول شي (( تشجيع الأعضاء الجدد ))
هذه هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل
وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الطرافة أو في أي مجالات آخرى
والعضو الي دايم يكون الأول في الترحيب " حبيب وقلبه طيب "

ثاني شي : (( قبل لا تكتب أي موضوع في أي قسم معين لازم ترد على موضوعين اوثلاث او اكثر ))
وهذا شئ مهم جددددا .. لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى " محبوب الكل "



ثالث شي : (( تشجيع المواضيع اللي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع اللي كتبه بجهده ولأنه موضوع حلو فالكل ينسخه وينشره في كل المنتديات ..أكتب فكره أو معلومه أو انقل من كتاب او مجلة اللي يستاهل النشر
والعضو الي دايم يكتب مواضيعه بنفسه " هذا نشيط ومتميز "



رابع شي : (( الكلمة السحرية ))

وهي أنك تكتب كلمة ( شكرا على هذا الموضوع ) كلمات ماراح تتعبك او تنقص من قدرك او كبريائك .. كثير مانشوف مواضيع عدد قرائها فوق السبعين او الثمانين ومن هذول فقط يرد على صاحب الموضوع واحد او ثنين وأكثر الأحيان تجد الموضوع ما فيه أي رد ..!!
يعني أنت تبي الكل يرد على موضوعك وأنت يابعدي ماتكلف خاطرك وتجامل صاحب الموضوع .. لكان ليش تشارك وتتعب حالك ولا جاي تورينا جمال طلعتك
ويسمى العضو الي دايم يشارك ويحث الاعضاء على المشاركه " حبيب الكل "



خامساً : (( محاربة الشلل ))

وهذا أكبر خطر يهدد أي منتدى وكثير من المنتديات هرب منها اعضائها لهذا السبب والحمد الله ان منتدانا مافيه .. والشلل هي أنو يتفق الأعضاء ويقولون ( احنا والله شله ارتحنا لبعض ومابدنا واحد جديد يدخل بينا .. والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطوه وجه لحتى يمل وينسحب من المنتدى .. ومن قرادة هالشلة بعدها بفتره يقلبوا على بعض ويصير كل واحد يكتب موضوع ولا يرد على الثاني .. وخلاص انتهى المنتدى وصار ممل والاحسن انه ينقفل
ويسمى العضو الي هيك " خاين ناسوا "



سادس شي : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم (تخيل نفسك مريض او مسافر حتى أهلك مادريوا عنك .. وتجي للمنتدى وتلاقي الكل مشتاقين لك ويسألون عنك .. أكيد بتطق من الفرحه ومحد قدك )
ويسمى العضو الي دايم يسأل عن الاعضاء .. " ياطيب القلب وينك "



سابع شي : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات .. لكن مسألة انك تشوف اي موضوع يعجبك وتنقله هذا شئ بيضيق الحوصلة ( وليش اشترك في منتدى !! .. اروح اقرا جريده او مجله او اتابع الاخبار في التلفزيون افيد )
ويسمى هذ العضو .. copy paste



ثامن شي : (( لاتصير خفيف وثقيل ))

يعني يجيك عضو يكتب كل يوم عشر مواضيع وفي كل قسم يلزق له ست مواضيع من همالته .. ويالله يالله نرد على نص مواضيعه ولا نلحق
وهذا يسمى العضو .. " الهامل "



تاسع شي : (( التقليل من المشاكل وحوادث السيارات ))

يعني ثنين مقاريد تهاوشوا وقلبوا المنتدى فوق تحت وانقسم المنتدى وكل واحد معه سيف
( ياخي بينك وبين اي عضو مشكله او رده ماعجبك او لك ملاحظة .. راسله على الخاص وتفاهم أنت وياه بدون ما يشعر الأعضاء )
ويسمى العضو المشكلجي .. " محراك الشر "




عاشر شي : (( خليك مدوزن ))

ييجي عضو ويتعب ويكتب موضوع جاد ومهم ويتوقع ان بيرد علية ويناقشة الكل بعدين يجيك عضو الي مابعرف وين الله حاطه ويرد رد .. الموضوع في الشام والرد بالدير.. ويخرب الموضوع او يقلبه تشات
( المواضيع الجاده والمهمه تحتاج الى رد جاد والمواضيع الهزلية يرد عليها برد يناسبها )
ويسمى العضو الي يرد برد في جهه والموضوع في جهه .. "الأطرش بالزفة "



واخر شي ...

المنتدى مو بعدد اعضائه .. بل بترابط اعضائه كلأسرة الواحده وكما قال الرسول صلى الله عليه وسلم (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))

و في النهاية أدعولنا